“Тогтоолын хавсралтад нэмэлт, өөрчлөлт оруулах тухай

Улсын Их Хурлын гишүүн Б.Уянга, Н.Алтаншагай, Б.Бейсен, М.Ганхүлэг, А.Ундраа, Ж.Чинбүрэн /цаашид “Ажлын хэсэг” гэх/ нарын гаргасан, Тогтоолын төслийн 1 дэх заалтын ““Гатлага”,” гэсний дараах ““Говь”, ” гэснийг, ““Толгой”,” гэсний дараах ““Тохой”, ” гэснийг, ““Хад”,” гэсний дараах ““Харгайт”,” гэснийг, ““Цав”,” гэсний дараах “Чулуу” гэсэн дэвсгэр нэрийг хасаж, эдгээрт хамаарах газар зүйн нэрийг “Салаа”, “Бөөрөг”, “Хаалга”, “Хөтөл”, “Уул”, “Товог”, “Бэлчир”, “Даваа”, “Тал” хэсэгт тус тус харгалзуулж нэмэх гэсэн саналыг дэмжье гэсэн санал хураалт явуулъя.

Ажлын хэсгийн гаргасан, Төслийн 1 дэх заалтын “Уул” хэсгийн “Арал Толгой уул, Aral Tolgoi uul, Баян-Өлгий, Сагсай” гэснийг “Арал Толгой уул, Aral Tolgoi uul, Баян-Өлгий, Алтай” гэж өөрчлөх гэсэн саналыг дэмжье гэсэн санал хураалт явуулъя.

Ажлын хэсгийн гаргасан, Төслийн 2 дахь заалтын “Ам” гэсний дараа ““Ар”, гэж, “Шанд” гэсний дараа ““Ширээ”,” гэж тус тус нэмэх гэсэн саналыг дэмжье гэсэн санал хураалт явуулъя.

Ажлын хэсгийн гаргасан, Тогтоолын төслийн 3 дахь заалтыг доор дурдсанаар өөрчлөн найруулах: “3.Монгол Улсын Засгийн газар /Н.Учрал/-т даалгасугай: 1/Энэ тогтоолоор баталсан газар зүйн нэрийг геодези, зураг зүйн мэдээллийн улсын нэгдсэн санд бүртгэх; 2/Монгол Улсын Их Хурлаас баталсан газар зүйн нэрийг батлагдсан стандартад нийцүүлэн латин үсэгт галиглан хэрэглэх, газар зүйн нэрийг судлах, сурталчлах, хамгаалах, мөрдүүлэх, газар зүйн нэрийн цахим системээр дамжуулан хэрэглээнд нэвтрүүлэх ажлыг зохион байгуулах; 3/Баян-Өлгий аймгийн нутаг дэвсгэрт хамаарах газар зүйн нэрийн тодотголыг хийж, сумдын хилийн цэсийг албан ёсны газар зүйн нэрийн дагуу шинэчлэн холбогдох шийдвэрийн төслийг боловсруулж 2027 оны Намрын ээлжит чуулганы хугацаанд багтаан Улсын Их Хуралд өргөн мэдүүлэх гэсэн саналыг дэмжье гэсэн санал хураалт явуулъя.

Ажлын хэсгийн гаргасан, Тогтоолын төсөлд доор дурдсан 4 дэх заалт нэмэх: “4.Энэ тогтоолын биелэлтэд хяналт тавьж ажиллахыг Монгол Улсын Их Хурлын Байгаль орчин, хүнс, хөдөө аж ахуйн байнгын хороо /Б.Бейсен/-д даалгасугай.” гэсэн саналыг дэмжье гэсэн санал хураалт явуулъя.

Ажлын хэсгийн гаргасан, Хууль тогтоомжийн тухай хуульд нийцүүлэн тогтоолын төслийн 1 дэх заалтыг 2 дахь заалт болгон өөрчлөх гэсэн саналыг дэмжье гэсэн санал хураалт явуулъя.

Ажлын хэсгийн гаргасан, Төслийн талаарх зарчмын зөрүүтэй саналын томьёолол дэмжигдсэнтэй холбогдуулан төслийн нэр томьёог жигдлэх, заалтын дугаарыг нийцүүлж өөрчлөх, бүтэц найруулга, латин хөрвүүлгэд холбогдох хууль зүйн техникийн засварыг хийх гэсэн саналыг дэмжье гэсэн санал хураалт явуулъя.