Аж ахуйн нэгжийн орлогын албан татварын тухай хуульд нэмэлт оруулах тухай хуулийн төсөл

Ж.Алдаржавхлан, Р.Батболд, Н.Батсүмбэрэл, Ж.Баярмаа, Ц.Даваасүрэн, Б.Заяабал, З.Мэндсайхан, Б.Пунсалмаа, П.Сайнзориг, Г.Хосбаяр, Д.Энхтуяа /цаашид “Ажлын хэсэг” гэх/ нарын гаргасан, Хуулийн төслийн 1 дүгээр зүйлд “Хуулийн зорилт” гэсэн агуулгатай зүйлийн гарчиг, тус зүйлийн өмнө “НИЙТЛЭГ ҮНДЭСЛЭЛ” гэсэн агуулгатай НЭГДҮГЭЭР БҮЛЭГ-ийн нэр, мөн зүйлийн “аюулгүй байдлыг хангах” гэсний дараа “бодлогын хүрээнд хэрэгжих” гэж тус тус нэмж, мөн зүйлийн “санхүүжилтийн ашиглалтыг” гэснийг “гадаад зээллэгийн ашиглалтыг” гэж өөрчлөх гэсэн Төсвийн байнгын хорооны дэмжсэн саналыг дэмжье гэсэн санал хураалт явуулъя.

Ажлын хэсгийн гаргасан, Хуулийн төслийн 1 дүгээр зүйлийн “Монгол Улсын Засгийн газрын 2024-2028 оны үйл ажиллагааны хөтөлбөр, 14 мега төслийн жагсаалтад тусгагдсан, импортыг орлох, нийгэм, эдийн засгийн ач холбогдол, үр ашиг бүхий, үйл ажиллагааны орлогоороо зардлаа нөхөх боломжтой, нийслэл Улаанбаатар хотын тулгамдаж буй асуудал болох хүрээлэн буй орчны бохирдол, автозамын түгжрэлийг бууруулах энэ хуульд заасан” гэснийг хасах гэсэн Төсвийн байнгын хорооны дэмжсэн саналыг дэмжье гэсэн санал хураалт явуулъя.

Ажлын хэсгийн гаргасан, Хуулийн төслийн 2 дугаар зүйлд “Хуулийн үйлчлэх хүрээ” гэсэн агуулгатай зүйлийн гарчиг, мөн зүйлийн “холбогдсон харилцааг” гэсний дараа “болон гадаад зээллэгийн эх үүсвэрийн урд оны үлдэгдлээс санхүүжүүлэх зарлагатай холбогдсон харилцааг” гэж тус тус нэмж, мөн зүйлийн “зээллэгийн санхүүжилтийн ашиглалт” гэснийг “зээллэгийн ашиглалт” гэж өөрчлөх гэсэн Төсвийн байнгын хорооны дэмжсэн саналыг дэмжье гэсэн санал хураалт явуулъя.

Ажлын хэсгийн гаргасан, Хуулийн төслийн 3 дугаар зүйлийг “2.2” дахь хэсэг болгож, мөн зүйлийн “Сэлбэ дэд төвд түшиглэсэн гэр хорооллыг орон сууцжуулах төсөл.” гэсэн агуулгатай 3.3 дахь хэсгийг хасах гэсэн Төсвийн байнгын хорооны дэмжсэн саналыг дэмжье гэсэн санал хураалт явуулъя.

Ажлын хэсгийн гаргасан, Хуулийн төслийн 3 дугаар зүйлд доор дурдсан агуулгатай хэсэг нэмэх: “2.3.Энэ хуулийн 2.2-т заасан төслийн нэрийг өөрчлөх, шинэ төсөл нэмэхийг хориглоно.” гэсэн Төсвийн байнгын хорооны дэмжсэн саналыг дэмжье гэсэн санал хураалт явуулъя.

Ажлын хэсгийн гаргасан, Хуулийн төслийн 4 дүгээр зүйлийг “3 дугаар зүйл” болгож, тус зүйлд “Гадаад зээллэгийн ашиглалтын зардал” гэсэн агуулгатай зүйлийн гарчиг, мөн зүйлийн өмнө “ГАДААД ЗЭЭЛЛЭГИЙН АШИГЛАЛТ, НЭГДСЭН ТӨСӨВ ХООРОНДЫН ХАМААРАЛ” гэсэн агуулгатай ХОЁРДУГААР БҮЛЭГ-ийн нэр тус тус нэмж, мөн зүйлийн “нийт зарлага” гэснийг “нийт зарлагын дээд хэмжээ” гэж, “санхүүжилтийн ашиглалтын зардал, түүний зардлын өсөлтөөр” гэснийг “тухайн жилийн ашиглалтын зардлын өсөлтөөр” гэж тус тус өөрчилж, “Тухайн жилийн” гэснийг хасах гэсэн Төсвийн байнгын хорооны дэмжсэн саналыг дэмжье гэсэн санал хураалт явуулъя.

Ажлын хэсгийн гаргасан, Хуулийн төслийн 5 дугаар зүйлийг хасах гэсэн Төсвийн байнгын хорооны дэмжсэн саналыг дэмжье гэсэн санал хураалт явуулъя.

Ажлын хэсгийн гаргасан, Хуулийн төслийн 6 дугаар зүйлийг “3.2” дахь хэсэг болгож, мөн зүйлийн “гадаад зээлийн санхүүжилтийн” гэснийг “гадаад зээллэгийн” гэж өөрчлөх гэсэн Төсвийн байнгын хорооны дэмжсэн саналыг дэмжье гэсэн санал хураалт явуулъя.

Ажлын хэсгийн гаргасан, Хуулийн төслийн 7 дугаар зүйлийг “3.3” дахь хэсэг болгож, мөн зүйлийн “энэ хуулийн 3.3-т заасан” гэснийг “гадаад зээллэгийн эх үүсвэрээр санхүүжүүлж байгаа” гэж өөрчилж, мөн зүйлийн “хэсэг” гэсний дараа “болон энэ хуулийн 3.1-д заасан хязгаар” гэж нэмж, “санхүүжилтийн” гэснийг хасах гэсэн Төсвийн байнгын хорооны дэмжсэн саналыг дэмжье гэсэн санал хураалт явуулъя.

Ажлын хэсгийн гаргасан, Хуулийн төслийн 8 дугаар зүйлийн дугаарыг “4” гэж өөрчилж, мөн зүйлд “Гадаад зээллэгийн ашиглалтын ил тод байдал, хяналт” гэсэн агуулгатай зүйлийн гарчиг, мөн зүйлийн өмнө “ХЯНАЛТ, ИЛ ТОД БАЙДАЛ” гэсэн агуулгатай ГУРАВДУГААР БҮЛЭГ-ийн нэр, мөн зүйлийн “тухайн жилийн” гэсний дараа “нэгдсэн” гэж тус тус нэмж, “хагас жил тутам” гэснийг хасах гэсэн Төсвийн байнгын хорооны дэмжсэн саналыг дэмжье гэсэн санал хураалт явуулъя.

Ажлын хэсгийн гаргасан, Хуулийн төслийн 9 дүгээр зүйлийг “4.2” дахь хэсэг болгож, мөн зүйлийн “төслийн ашиглалттай” гэснийг “зээллэгийн ашиглалттай” гэж, “журмын” гэснийг “хууль тогтоомжийн” гэж тус тус өөрчлөх гэсэн Төсвийн байнгын хорооны дэмжсэн саналыг дэмжье гэсэн санал хураалт явуулъя.

Ажлын хэсгийн гаргасан, Хуулийн төсөлд доор дурдсан агуулгатай бүлэг нэмэх: “ДӨРӨВДҮГЭЭР БҮЛЭГ БУСАД ЗҮЙЛ 5 дугаар зүйл.Хуулийг дагаж мөрдөх журам 5.1.Монгол Улсын 2026 оны төсвийн тухай хуулиар батлагдсан гадаад зээл, тусламжаас санхүүжих зардлаас энэ хуулийн 2.2.1, 2.2.2-т заасан төслийн гадаад зээллэгийн ашиглалтад 2026 оны төсвийн жилд санхүүжүүлсэн зардлыг энэ хуулийн 3.1, 3.2-т заасан үйлчлэлд хамруулна. 5.2.Монгол Улсын 2026 оны төсвийн тухай хуулийн 10.2-т заасан Засгийн газрын авч ашиглах гадаад зээлийн дээд хэмжээ нь энэ хуулийн 2.2.1, 2.2.2-т заасан төслийн гадаад зээллэгийн ашиглалтын зардлаар нэмэгдэж болно. 5.3.Энэ хуулийн 2.2-т заасан төслийн гадаад зээллэгийн ашиглалт бүрэн дуусах хүртэлх хугацаанд энэ хуулийг дагаж мөрдөнө.” гэсэн Төсвийн байнгын хорооны дэмжсэн саналыг дэмжье гэсэн санал хураалт явуулъя.

Ажлын хэсгийн гаргасан, Хуулийн төсөлд шинээр нэмэх 5 дугаар зүйлд доор дурдсан агуулгатай хэсэг нэмэх: “5.4.Дунд хугацаанд олон улсын банк, санхүүгийн байгууллага болон хөгжлийн түнш орнуудын санхүүжилтээр хэрэгжих, төслийн орлогоороо хөрөнгө оруулалтын зардлаа бүрэн нөхөх боломжтой, эдийн засгийн үр ашиг бүхий хөгжлийн төсөл, арга хэмжээг Монгол Улсын Хөгжлийн банкаар дамжуулан санхүүжүүлж болох бөгөөд төслүүдийг хэрэгжүүлэхэд Засгийн газар өрийн баталгаа гаргаж болно.” гэсэн саналыг хуралдаан даргалагчаас гүйцээн боловсруулах чиглэл өгч, санал хураалт явуулаагүй болно. 14.Ажлын хэсгийн гаргасан, Хуулийн төслийн талаарх зарчмын зөрүүтэй саналын томьёололтой уялдуулан төслийн зүйл, хэсэг, заалтын дугаарыг болон тэдгээрийн эшлэлийг нийцүүлэн өөрчлөх гэсэн Төсвийн байнгын хорооны дэмжсэн саналыг дэмжье гэсэн санал хураалт явуулъя.

Ажлын хэсгийн гаргасан, Төслийн 1 дүгээр зүйлийн “зориулан эрх зүйн таатай орчныг” гэснийг “зориулсан эрх зүйн орчныг” гэж, “зорилго” гэснийг “зорилт” гэж, 2 дугаар зүйлийн “Энэ хуулиар гадаад зээллэгийн эх үүсвэрээр хэрэгжүүлэх энэ хуулийн 3 дугаар зүйлд заасан төслийн” гэснийг “Энэ хуулийн 2.2-т заасан гадаад зээллэгийн эх үүсвэрээр хэрэгжүүлэх төслийн” гэж, “зохицуулах ба энд зааснаас” гэснийг “энэ хуулиар зохицуулах ба энэ хуульд зааснаас” гэж, төслийн 4 дүгээр зүйлийн “үл хамаарна” гэснийг “хамаарахгүй” гэж, төслийн 7 дугаар зүйлийн “санхүүжих зардал” гэснийг “санхүүжүүлэх зарлага” гэж, “нөхцөлд” гэснийг “тохиолдолд” гэж тус тус өөрчилж, төслийн 4 дүгээр зүйлийн “төслийн” гэсний өмнөх болон 6 дугаар зүйлийн “нийт” гэснийг тус тус хасах гэсэн Төсвийн байнгын хорооны дэмжсэн саналыг дэмжье гэсэн санал хураалт явуулъя.

“Тогтоолд нэмэлт оруулах тухай” Улсын Их Хурлын тогтоолын төслийг батлах санал хураалт явуулъя.

Аж ахуйн нэгжийн орлогын албан татварын тухай хуульд нэмэлт, өөрчлөлт оруулах тухай хуулийн төслийг үзэл баримтлалын хүрээнд хэлэлцэхийг дэмжье гэсэн санал хураалт явуулъя.

Гаалийн тариф, гаалийн албан татварын тухай хуульд нэмэлт, өөрчлөлт оруулах тухай хуулийн төслийг үзэл баримтлалын хүрээнд хэлэлцэхийг дэмжье гэсэн санал хураалт явуулъя.

Гаалийн тариф, гаалийн албан татварын тухай хуульд нэмэлт, өөрчлөлт оруулах тухай хуулийн төслийг үзэл баримтлалын хүрээнд хэлэлцэхииг дэмжье гэсэн санал хураалтыг дахин явуулъя.

Нэмэгдсэн өртгийн албан татварын тухай хуульд нэмэлт, өөрчлөлт оруулах тухай хуулийн төслийг үзэл баримтлалын хүрээнд хэлэлцэхийг дэмжье гэсэн санал хураалт явуулъя.